“Emi ke idem esie edide owo, kpa Christ Jesus; emi okonode Idem esie, ete idi ufak kpupru owo” (UBONOWO)

Ikiat-Idak-Isong Uduak Abasi Ndidiong Ofri Ubonowo ke ererimbot.

Akani ye obufa Ediomo mbibake Nwed Abasi osiongo ete... UFAK JESUS EYENYANGA KPUPKRU OSIO KE MKPA

 HOSEA 13:14 —“nyefak mmo nsio ke ubok udi; nyenyanga mmo nsio ke mkpa: nyedi idiok udongo fo, O! Mkpa; nyedi nsobo fo, O! Udi erikabare esit eyedibe mi ke enyin”.

 1 Timothy 2:3-6 —“Andinyanga nnyin – emi oyomde kpukpru owo enyene erinyanga, enyung esim ifiok akpaniko, koro Abasi kiet odu, Ekpe-emem kiet ke ufot Abasi ye owo onyung odu, emi ke Idem Esie edide owo, kpa Christ Jesus; emi okonode Idem esie, ete idi ufak kpukpru owo.  Ekeno mbuk ebanga mkpo emi ke edikem ini”.

 “— Enye eyemen iso ufoho-mkpo emi ofukde kpukpru mme idut.  Enye eyemen mkpa ke nsinsi; Obong Jehovah eyenyung okwohore kpukpru iso mmongeyet efep”  (Isaiah 25:7-8)  “—Mkpa idinyung iduhe aba; eseme ye ntuanga ye ubiak idinyung iduhe aba; koro ebe-iso mkpo ema ebe efep.”  (Revelation 21:4)

Nso ke iko emi “UFAK” Oworo?

Didie ke UFAK emi edittre ntuanga, ubiak ye mkpa ke idem esie?

UNEN — midighe Nnyin Inen? Unen eke Abasi iwutke ite “nnyin inen”.  Edi, Ediwak ekpebe ete mme Christian ikpong ke edinyanga.

Edieke emi edidi akpaniko, ndien 95% ke ubon owo enyene ubiom-ikpe nsinsi mpka (midighe odiok akam oro) oto ntak emi mmo mikikobke enying Jesus.  Emi esinede billions mbon Asians, Africans ye kpukpru ekedude mbemiso Jesus.

Nte Jesus akakpa ke cross ndinyanga nda-ndomo ekpri ibat mme Christian? – mmo emi edinimde ke akpaniko mbemiso editongo ntak ndi?  Nwed Abasi eteme nnyin ete:  Baba!  Christ akakpa “nte usio isop (uyoho) mme idiok mkpo nnyin, (Christians) inyung idige eke nnyin ikpong, edi eke ofuri ererimbot nde.”  1 John 2:2 Ete ke ima ama ono nkukure edibom Eyen ndikpa “nno kpukpru” ke adanga emi ikodude ke idiok mkpo.  (John 3:16; Rom. 5:8).  Abasi ke uduak Esie eyeno kpukpru – osim idem mmo emi minimke ke akpaniko – ye oyoho unen ndinyene ufon ke uwa Jesus.  (Heb. 2:9)

Ke ama ekeset ke mkpa, eyekpeb kpukpru owo ebanga Christ ye idinen-ido.  Mme idiok erinam ini edem eyebo ufen edi ye mbom oto nkabare esit.  Abasi eyenwanga edisana spirit Esie ke idem kpukpru owo ke Christ, anam ufang osim owo kiet kiet ndisim mfon mma ke ekikere ye edu uwem.  (Joel 2:28)  Edi eyesobo mmo eke edikade iso etre/esin ndikabare (Acts 3:22-23; Ezekiel 18:20-22)

TIM KERE iko abangede uduak Abasi ndinyanga kpukpru owo nsio ke idiok mkpo ye mkpa:  Ete Adam, enen, ama edwe.  Ubiere ikpe mkpa ama osim enye ye ubon editode enye.  Uboho mkpa okoyom erikpe ukem ekom-urua, mkpa owo eke enende.  Ndomo owo kiet ke otu mme idiok-owo (ndiok-mma) ubon owo ekekeme ndikpe ekom urua emi.  (Psalms 49:7) ibohoke Jesus, emi asanade, minyeneke nkari, minyung iduehe, emi misangake ye mboutidem.  Mmo akpan-akpan erinyanga ke emi, mbem iso “mme idiok owo” otu owo emi mikobuotke idem. (1 Timothy 4:10; 2 Cor. 6:2).  Mme “ndinen” eyekabare ke heaven edi “Nwan” Christ nko ekara ye Jesus ke ubong Esie ke isong.  (Rev. 20:4; 21:2).  Edi “mme idiok owo” otu-owo eyenyene erinyanga ke Jesus ye nwan Esie enamde mmo eset enyung efon ema.  Mme idiok owo eyekpebe irinenido ke ikpe asangade ye mbom, ye ufen otode mkpo ini edem, (Isa. 26:9; Matt 16:27; Luke 12:48; Micah 4:1-3).  Jesus ye Nwan Esie eyeda mmong uwen ono mme andikabare esit ke out ediwak owo.  (Rev. 22:17) enye emi edisangade ke “okpo usung” adade owo osim erinen ido ye nsinsi uwem ke isong emi enamde ofon ama.  (Isa. 35:8).  Owo ekedide ke ini oro esinde ndinyene ibet Abasi ewetde ke esit esie eyenyene ubiere nsinsi nsobo, “Udiana mkpa.”  (Jer. 31:33-34; Rev. 21:8) wilderness eyesiaha ikong, anam ediwak ubet ono ubon owo emi esetde.  Mme andinyime nnyung nkop-uyo eyedu uwem ke anana-utit eyo ke isong ke emem ye idatesit.  Ubon-owo eyetoro Abasi, ete:  “Jehovah edi emi!—iyedara inyung ibre mbre ibanga erinyanga esie.”  (Isa. 25:9)

 Ufak edi usung nte Abasi ke unen edisiode Adam (ye kpukpru ubon-owo) osio ke mkpa ubiere ikpe Eden.  Ufak edi iko ekabarede eto usem Greek “Antilutron,” oworode, “ukem ekom-urua.”  Ifiok ukem ekom-urua emi edi nsongo nda ibet ke se Abasi obotde. Okowut idem ke ibet Ediomo Israel.  “...ndien afo edino uwem ke uwem, enyin ke enyin, edet ke edet, ubok ke ubok, ukot ke ukot...”  Exodus 21:23-24 mme anam idiok” ekeme.  Hebrews 7:26.  Jesus edinen owo akakpa ke ibiot idiok mkpo Adam, akadade itie esie ke mkpa, ke ntre afakde Adam ye ofri ubon esie—ubon owo—osio ke mkpa.  “Koro Christ nko-nko ama akpa kabanga mme idiok mkpo ini kiet, Edinen owo (Jesus ) ke ibout mmo emi minenke, man Enye ada nnyin osok Abasi.”  1 Peter 3:18

 “...nte idiok-mkpo okotode owo kiet (Adam) oduk ke ererimbot, mkpa onyung otode ke idiok mkpo oro oduk; mkpa onyung ebe osim kpukpru owo, ---Mmodo ndien, nte otode ke ndudue kiet (Adam) ke ebiom kpukpru owo ikpe, kpa ntre nko oto ke utom edinen ido kiet (Jesus) ke eno mfon osim kpukpru owo, etebe mmo ikpe ke uwem.”  Rom. 5:12,18

 “Ndien Mmo Eke Jehovah Akafakde Eyefiak Edi”
Isaiah 35:10 (Oto ke ufok mkpokobi mkpa)

 Ufak emi Jesus okonode asiak usung edinam kpukpru mkpo afon ema ono kpukpru ubon owo.  Eritongo ntak nsim mfon mma ekeduokde ke Eden edi akpan ntak eritongo ntak ndi Jesus:  “Man Enye onyung odong—Jesus: emi heaven enyenede ndibo kanga nkama, tutu osim ini emi edinamde kpukpru mkpo etongo ntak efon ema.”  Acts 3:20,21 “Kpa nte enemde Enye esit ndiduak ke Christ; ete imo ikpatang kpukpru mkpo idong ke Christ; mkpo eke odude ke enyong, ye mkpo eke odude ke isong.”  Ephesians 1:10

Ke ini 1,000 isua ukara Christ ke isong (usen ikpe), “kpukpru mme andidu ke udi edikopde” uyo Jesus, “ewongo edi.”  (John 5:28)  “Eriset ke mkpa” emi edidi ke ikpeke iba: “nti owo ye mme idiokowo.”  (Acts 24:15)

 Uken Ekom Urua

Ufak Jesus Ke Ibout Adam Ekem Unem Ikpe

 Emi anam Adam ye ofri ubon owo enyene unen ndifiak nto ndi ke uwem! “koro nte kpukpru owo ekpangade ke Adam, kpa ntre nko ke Christ ke eyenam kpukpru owo edu uwem.”  1 Corinthians 15:21